Kontakt

Verein zur Förderung der Plattdeutschen Sprache im Mühlenkreis Minden-Lübbecke e.V

Vorsitzende: Magrit Graefen
Schwarzer Weg 2
32469 Petershagen
Tel: 05707-95826


Geschäftsführerin: Doris Wiese
Tel: 0571-80723020

Startseite

 

 

  Moin!

 

Schön, dat ji use Plattdüütske Siete ankieken witt!

 

Seitdäm wi düsse Siete moaket hebbt

künnt wi all

oawer 42.000 Taugriffe

tellen.

Dat wieset us, dat Plattdüütsk noch modern is!!!!

 

 P4080130 2 

De Mai

De Mai, de Mai, ohwei, ohwei!
de schütt us in de Knoaken.
Dat Hart koppheistert in einer Tuur
un bringt dat Blaut to'n Koaken.

Dat heit, dat gellt för junge Lüüe.
De Ollen sünd tofrehen,
wenn Rügge un Kneie ehr nich weihdaut
un hebbt ok süs kein Leden.

De Maiboom werd nu just upstellt,
un all Lüüd kurmt to'n Danzen.
De Bööm wiest stolt ehr junget Greun,
de Göörn ehr'n neien Ranzen.

Oh, Mai, du rukst so wunnerboar
mit all dien' schönen Blaumen,
un ok de Schwien daut woll ehr Best
un frätet sick dick för Flomen.

 P4200007 800x600 2

              Ankünnigung             

De Vereinsvörstand hett beschloaten, dat wi in düssen Joahre weer en neiet Joahrbauk tohoopestellen witt. Doarümme sammelt wi weer Plattdüütske Geschichten un Begierbenheiten ut alle 11 Kommunen det Kreises Minnen-Lübbecke för dat Joahrbauk 2022!

------------------- 

So seihet use Joahrbäuker ut, de wi betlang rutegerben hebbt.

Doartau kann man jümmer dat passende Bild

von de jeweilige Pressekonferenz seihne,

bi de dat Bauk vörestellt wurn is.

Bi jede Utgoabe eines Baukes hett us de VB

- damoals noch Mindener Land - 

sowohl bi dän Druck als ok bi´n Verkoop

düchtig ünnerstützet.

P2250003

Plattdt Jahrbuch2

 

PB110010

DSC 0003 800x532 2

 

 PB170466

 

Plattdeutsches20Jahrb

P9271054 2

 Plattdeutsches20Jahrbuch2020

In Gegenzug läset Plattdüütske bi de VB Mindener Land.

PC110827

Drei Plattdüütske ut usen Verein hebbt bi de Jubiläumsveranstaltungen vonne VB

Dönekens un Geschichten taun Frahen un Amüsieren vörläsen.

In Hille hett Helmut Möller,

DSC 4386 2

in Minnen Wilma Stahlhut un in

DSC 4445 2

Gorpen-Vahlsen Magrit Graefen vöredroagen.

DSC 4506 3 

Noch mehr Biller stoaht inne Fotogalerie!

 

eden 74

Use Verein hett enge Kontakte tau de VHS Herford.

Jüst gaff et ne Mail mit en intressanten Gedicht

taun Themoa CORONA:

 

MUTATION 

De Minsch, meent wi, weer Gott sien Kind,

so gifft de Bibel dat to lesen: Ut backsig Lehm un Geist sien Wind

ward Gottes-Bild un Eerdenwesen. De Tieden bröchen Twiefel mit,

wi seht uns hüüt mit anner Ogen, de Wetenschaft ehr Forscher-Schritt,

de stell nu mal ganz anner Fragen: Is düsse Minsch de Schöpfungs-Kroon?

Un kümmt Adam ut Gott sien Hannen? He is een Apen-Mutation:

De Tofall bröch Adam tostannen. Man Adam seggt:

So oder so, ik laat mi dat doch nich bestrieden:

Wat ik hier meen un seggen do, dat is un blifft för alle Tieden.

Ik herrsch hier över Deert un Plant, ik ganz alleen kann Leven düden.

Wenn't sien schall, bün ik Glücks-Mutant, heff Recht, mien Macht hier uttowieden.

De Mutation hett Vördeel bröcht, dat liggt nu düüdlich op de Hannen:

Mi steiht dat to, dat Levensrecht, ik bün de Herr in alle Lannen!

Doch nu hebbt wi Corona-Tied, een Virus lehrt de Welt dat Bangen.

Een Virus, winzig un vun wied un harr bloots een Verlangen:

Ik will de Herrschaft! Ik, de Wicht, un ut Pandora ehren Kübel,

gah mit de Minschheit in't Gericht, ik bün de Held un speel den Düvel.

Adam, de Apen-Mutation is een Gefohr för't wiede Leven

mit all sien Gier un raffig Doon; nu kann he geern mal töven.

Wer hier muteert, dat bün nu ik, kann doch dat sülve Recht verlangen!

Un nu speel ik mal de Musik ganz gräsig schrill, de Welt to bangen.

De Minsch hett keen besünner Recht, dat mutt he endlich mal begriepen.

Un nu geiht jem dat ok mal slecht, de Minschen, düsse Grootmuul-Typen.

Nu wendt sik mal dat Herrschafts-Blatt,

un nu regeert de Lüe-Lütten un sett de Minschenwelt mal matt:

In'n Schiet laat ik de Spinner sitten. Dat geiht mi böös nu gegen'n Strich,

un dat kann so nich lange blieven:

Dat Virus mutt alsbald torüch,wi Minschen mööt de Pest verdrieven.

Jawoll, he kriggt Kritik to höörn, de Minsch, un bitt sik op de Lippen.

De Tied seggt em, he mutt noch lehrn; dat Leven knufft em in de Rippen.

He hett de Schöpfung nich verstahn, he hett ehr allto ruug behannelt,

un dorför kriggt he nu den Lohn, denn nu hebbt sik de Tieden wannelt.

Ik meen, de Minsch hett grötter Recht, man kann warraftig nich verglieken;

dat Virus hett em Lieden bröcht, dorüm mutt nu düss Virus wieken.

Denn, Minschenkinner, de köönt lehr'n, un dat ward sik in Tokunft wiesen,

se lehrt wohrschiens Natuur to ehr'n na all den barg Corona-Krisen.

Villicht, dat ok de Minsch muteert un wiest denn noch ganz anner Sieden.

Dat Virus hett sien'n Sinn bekehrt, un he geiht to op beter Tieden.

Man stell sik dat mal bildlich vör: De Aap muteert to Minschenwesen,

wenn nu de Minsch muteren wörr, dat kunn de Welt-Problemen lösen.

De Minsch muteert to Minschlickeit - dat is mien allergröttste Höpen

- to Recht un to Gerechtigkeit, hett Pandemie ehr Lex begrepen.

Dat Klima nimmt he sik to Hart, he weet, dor mutt sik wat bewegen.

He speelt nu een bedachter Part de Schöpfung un de Welt to Segen.

Respekt is nu dat wichtigst Woort, Respekt för all dat bunte Leven.

De Minsch – muteert to fründlich Aart - is nu veel dichter an den Heven.

Sien Aart is slichter un is sacht, söcht Utgliek un söcht Freden.

Na, Virus, denn man gode Nacht! Corona slöög de Welt in Keden,

de Pandemie, se hett uns engt un uns den frieen Aten nohmen.

Man eenmal ward de Keden sprengt, un statts den Doorn blöht dor de Blomen.

Un nu genoog mit di, hau af! Nu rut mit di ut Schlund un Näsen!

Söök di ganz wied vun hier dien Graff; wi Minschen denkt an di mit Gräsen.

Un dien Mutanten, lösch de ut, wi wüllt bald wedder singen.

Dien Dood, du feixen Höllen-Bruut, dien Afgang ward uns Freiden bringen.

Denn kümmt de Dankbarkeit to Klang un maakt dat Leven lichter,

un alle Welt is een Gesang. Ik segg, al hüüt weet dat de Dichter.

3. / 2021 Cord Denker

Pestor ut Schleswig Holstein